ချစ်သူသက်တမ်းတစ်နှစ်ပြည့်သွားတဲ့ ယွန်းယွန်းနဲ့အုပ်စိုးခန့်

ငယ်ငယ်ရွယ်ရွယ်လေးနဲ့ အောင်မြင်မှုတွေပိုင်ဆိုင်ထားပြီးကလေးသရုပ်ဆောင်အဖြစ် အကယ်ဒမီပါရရှိထားတဲ့ သရုပ်ဆောင်ယွန်းယွန်းနဲ့ လူငယ်အဆိုတော် အုပ်စိုးခန့်တို့ဟာ ချစ်သူတွေဖြစ်နေကြတယ်ဆိုပြီး ကောလဟလတွေထွက်နေတာ အချိန်တစ်ခုခန့်ကြာမြင့်ခဲ့ပြီဖြစ်ပါတယ်။

အုပ်စိုးခန့်ကတော့ အင်တာဗျူးတွေမှာ ယွန်းယွန်းကိုကြိုက်ပါတယ်တွေရော ချစ်သူမဟုတ်ပါဘူးတွေရော အားပေးပါတယ်တွေရော ရှုပ်ယှက်ခတ်နေအောင်ဖြေခဲ့ဖူးပြီး ယွန်းယွန်းကတော့ ငယ်သေးလို့ ကလေးပဲရှိသေးတာမို့ အချစ်ရေးကိုမစဉ်းစားသေးပါဘူးလို့ ဆင်ဝှေ့ရန်ရှောင်ဖြေခဲ့ဖူးပါတယ်။ ဒါပေမယ့် မကြာသေးမီကပဲ လူမှုကွန်ယက်တွေမှာ ယွန်းယွန်းတို့နှစ်ယောက်က ချစ်သူတွေဖြစ်နေကြတယ်ဆိုတာရဲ့ သက်သေလို့ဆိုနိုင်တဲ့ ဓာတ်ပုံတစ်ပုံက ပျံ့နှံ့နေခဲ့ပါတယ်။

အဲဒီဓာတ်ပုံထဲမှာတော့ ယွန်းယွန်းကို အုပ်စိုးခန့်က အရမ်းချစ်တဲ့ပုံနဲ့ နောက်ကနေ အားကိုးတကြီးဖက်ထားခဲ့ပြီး ဓာတ်ပုံပေါ်မှာ “Happy 1 year and 7 days Pi Si”လို့ ရေးထားခဲ့ပါတယ်။ အဲဒီအရေးအသားကိုကြည့်ခြင်းအားဖြင့် ယွန်းယွန်းက သူ့ရဲ့ Myday မှာဖြစ်ဖြစ် တစ်နေရာရာမှာတင်ထားခဲ့တဲ့ဓာတ်ပုံဖြစ်မယ်လို့ပရိသတ်တွေက ခန့်မှန်းနေခဲ့ပါတယ်။ ဒီဓာတ်ပုံသာအမှန်ဖြစ်မယ်ဆိုရင် အခုတလောထွက်နေတဲ့သတင်းတွေက အမှန်တွေဖြစ်နေသလို ယွန်းယွန်းနဲ့အုပ်စိုးခန့်ဟာချစ်သူတွေဖြစ်နေကြတာ တစ်နှစ်ကျော်ပြီလို့ခန့်မှန်းရမှာပါ။ တစ်နှစ်ကျော်တဲ့အထိ တိတ်တခိုးတွဲနိုင်ကြတယ်ဆိုတော့ တော်တော်သိုသိပ်တဲ့အတွဲပဲလို့ ပရိသတ်တွေက မှတ်ချက်ပေးနေကြပါတယ်။

ယွန်းယွန်းနဲ့အုပ်စိုးခန့်ကို သဘောတူတဲ့ပရိသတ်တွေလည်းရှိသလို သဘောမတူတဲ့ပရိသတ်တွေလည်းရှိတယ်လို့ဆိုရမှာပါ။ ပရိသတ်အများစုကတော့ ကလေးသရုပ်ဆောင်ဘဝကတက်လာတဲ့ ယွန်းယွန်းလေးဟာ ချစ်သူထားလို့ရလောက်အောင် ကြီးပြင်းလာခဲ့ပြီဆိုတာကိုမယုံနိုင်သေးပဲ နှမျောတသဖြစ်နေကြပါတယ်။အချို့ကတော့ ယွန်းယွန်းပျော်ရင်ပြီးတာပါပဲလို့ သဘောထားကြောင်းရေးသားထားကြပါတယ်။ ယွန်းယွန်းဟာ ဒီဓာတ်ပုံလေးနဲ့ ယောက်ျားထုကြီးရဲ့အသည်းကိုခွမ်းခနဲနေအောင်ခွဲလိုက်တာတော့ အမှန်ပါပဲ။

ပြောချင်လွန်းလို့ပရိသတ်ကြီးရော ယွန်းယွန်းကိုချစ်ကြလား။ ယွန်းယွန်းနဲ့အုပ်စိုးခန့်သာတကယ့်ချစ်သူတွေဆိုရင် သဘောတူကြမှာလား။ ဒါမှမဟုတ် ဒီဓာတ်ပုံက Music Video တစ်ခုခုက ပုံဖြစ်မယ်ထင်လား။ ပြောခဲ့ကြပါဦး။

Can’t Wait To Say

Share From nanmalgyi