မအူဝဲ ကိုယ်တိုင်ကတူတယ်ပြောလို့ အရမ်းဝမ်းသာတယ်ဆိုတဲ့ Marip Jaseng

တလောတုန်းကတော့ ဖေ့ဘုတ်စာမျက်နှာမှာ ရေပန်းစားခဲ့တဲ့ အဖြစ်ပျက်တခုရှိခဲ့ပါတယ်။ အဲ့ဒီအဖြစ်အပျက်ကတော့ မြန်မာနိုင်ငံရဲ့ ထိပ်တန်း မင်းသမီး အိန္ဒြာကျော်ဇင်နဲ့ ခွဲမရအောင်တူတဲ့ ကောင်မလေး တယောက်ရဲ့ Tik Tok Video လေးတွေ ဖြစ်ပါတယ်။ တိုင်းရင်းသူလေးဖြစ်တဲ့ Marip Jaseng ကတော့ သူ့အနေနဲ့ Tik Tok Video လေးတွေ ရိုက်ရင်း မင်းသမီး အိန္ဒြာကျော်ဇင်နဲ့ တူတယ်ဆိုပြီးတော့ သူ့ကိုချစ်ပြီး ဝန်းရံကြတဲ့ လူတွေများခဲ့ပါတယ်။ အိန္ဒြာကျော်ဇင် ကိုယ်တိုင်ကလည်း သူနဲ့တူတယ်လို့ ပြောခဲ့ပြီး Marip Jaseng ကတော့ သူ့အနေနဲ့ လူတွေဒီလိုပြောကြလို့ ဝမ်းသာမိတယ်လို့ ပြောကြားသွား ခဲ့ပါတယ်။

တိုင်းရင်းသူလေး Marip Jaseng ကတော့ Popular နဲ့ အင်တာဗျူးတွင် အိန္ဒြာကျော်ဇင်နဲ့တူတယ်လို့ အများစုက ပြောနေကြတဲ့ အပေါ်မှာတော့ “အရမ်းဝမ်းသာ ပီတိဖြစ်ရပါတယ်။ ကိုယ်တိုင်မတုပေမယ့်လည်း ကိုယ့်ရဲ့ Idol နဲ့ တူသွားတဲ့အတွက် ဝမ်းသာပါတယ်”

Tik Tok ဆော့ဖြစ်တာနဲ့ ပတ်သက်ပြီး “အဲ့ဒါဆော့တာကတော့ အရမ်းမကျွမ်းကျင်ပါဘူး။ ကိုယ်ကလည်း နဂိုကတည်းက အနုပညာပိုးပါတာပေါ့နော်။ လိုက်လုပ်ရင်း ပိုးဝင်သွားတာပေါ့။ အမှတ်မထင်ဘဲ ကိုယ် Tik Tok ကစားလိုက်တဲ့အချိန်မှာ ကိုယ့်နှုတ်ခမ်းကတူသွားတယ်။ ကိုယ့်မျက်လုံးက တူသွားတယ်။ မအူဝဲကို တုမယ်ဆိုရင်တော့ မတုနိုင်ဘူးပေါ့နော်။ သူများတွေက အိုက်တင်တူတယ် ပြောကြလို့ ကိုယ့်ဘာကိုယ်တောင် အံ့သြရပါတယ်”

အိန္ဒြာကျော်ဇင်က ကိုယ့်အတွက် ဘယ်လို Idol မျိုးလဲဆိုတဲ့ အပေါ်မှာတော့ “သူက ပြိုင်စံရှားတဲ့ ကျွန်မရဲ့ Idol ပါ။ ငယ်ငယ်ကတည်းကလည်း ကိုယ်က ကြိုက်ခဲ့တဲ့သူတယောက်ဖြစ်တယ်။ သူ့အိုက်တင် အမူယာလေးတွေ ကိုယ်လုံးကိုယ်ပေါက်တွေ အကုန်လုံးကို ကြိုက်ပါတယ်။ တကယ့်ကို Idol အကြီးစားပါပဲ။ အစကတော့ တူတယ်မတူဘူးလို့ ပြောနေကြတဲ့ အချိန်မှာ ဆဲတဲ့သူတွေလည်း ရှိတော့ စိတ်မကောင်းတော့ ဖြစ်မိပါတယ်။ ဘာပဲ ဖြစ်ဖြစ်တော့ မအူဝဲကိုယ်တိုင်က ကိုယ့်ကိုသူနဲ့တူတယ်လို့ ပြောလိုက်တဲ့ အချိန်မှာ အရမ်းဝမ်းသာသွားတယ်။ သူကိုယ်တိုင်ပြောပေးလိုက်တော့ ဘာစိတ်ဆင်းရဲမှုမှ မရှိတော့သလိုပါပဲ”

“သူများတွေက တူအောင်လိုက်တုတယ် ပြောကြတယ်။ ဒါပေမယ့်လည်း ကိုယ်က လိုက်တုပြီး မလုပ်ခဲ့တာကြောင့် စိတ်မကောင်းဖြစ်ရတယ်။ ကိုယ့် Idol ဆိုပေမယ့်လည်း တူအောင်တော့ လိုက်မတုခဲ့ပါဘူး။ မျက်ရစ်ခွဲစိတ်ထားတယ်လည်း ပြောကြတယ်။ တကယ်တမ်းဆို ဆေးထိုးဖို့တောင် တော်တော်ကြောက်တယ်။ မဖြစ်နိုင်တာတွေ ဘာလို့ပြောကြတာလဲပေါ့။ တူတော့လည်း ဘာဖြစ်လဲ မတူတော့လည်း လာဖြစ်လဲပေါ့။

ဒါပေမယ့်လည်း တူတယ်မတူဘူး ပြောရင်းနဲ့ပဲ ကျွန်မကို လူသိလာတာပေါ့။ ကျွန်မက မြစ်ကြီးနားမှာလည်း အက ဆရာလေ။ ပြီးတော့ ဗီဒီယိုလေးတွေတေ့ာ နည်းနည်းပါးပါး ရိုက်တာပေါ့။ သရုပ်ဆောင်လုပ်ရတာလည်း ဝါသနာပါတယ်။ အနုပညာဆိုရင် အကုန်ဝါသနာပါပါတယ်။ အားလုံးကို ချစ်ပေးလို့ ဝမ်းသာပီတိဖြစ်ရပါတယ်” ဟု ပြောကြားသွား ခဲ့ပါတယ်။

Share From nanmalgyi