သမီးဖြစ်သူက အဖေနဲ့ ပြန်ပေါင်းစေချင်တယ်ဆိုတဲ့ လင်းဇာနည်ဇော်

ပရိသတ်အားပေးမှု ရရှိထားတဲ့ ဝါရင့် မင်းသမီး လင်းဇာနည်ဇော်ကတော့ တချိန်က ဖိုက်တင်မင်းသား ရဲကိုကိုနဲ့ အတွဲများခဲ့ပြီး ဇနီးမောင်နှံအဖြစ်တောင် ပေါင်းသင်းခဲ့ကြပါတယ်။ ဒါပေမယ့်လည်း အကြောင်းအမျိုးမျိုးကြောင့် အိမ်ထောင်ကွဲခဲ့ပြီး ရဲကိုကိုကလည်း အနုပညာလောကထဲကတောင် ပျောက်သွားခဲ့ပါသေးတယ်။ ခုဆိုရင် ဆယ်စုနှစ်တွေကြာခဲ့ပြီ ဖြစ်ပြီး သူတို့နှစ်ယောက်ရဲ့ သမီးလေးတောင် အသက် ၂၀ ကျော်နေပြီ ဖြစ်ပါတယ်။ လင်းဇာနည်ဇော်ကတော့ တယောက်ထဲနေရတာ နှစ်တွေကြာလာပြီ ဖြစ်တာကြောင့် သူ့အနေနဲ့ နောက်အိမ်ထောင်ပြုဖို့ အကြောင်းနဲ့ ပတ်သက်ပြီး ရင်ဖွင့်လာခဲ့ပါတယ်။

လင်းဇာနည်ဇော်ကတော့ The Radar နဲ့ အင်တာဗျူးတွင် တယောက်ထဲနေဖို့ များလားဆိုတဲ့ အပေါ်မှာတော့ “ဒါကတော့ ဘယ်ပြောလို့ရမှာလဲ။ လုံးဝကို ကြိုမပြောဘူး။ အသေခံသွားမယ်။ မနက်ဖြန်တောင် ဘာဖြစ်မလဲမှ မသိတာ”

သမီးကရော ကိုယ့်ကိုစိတ်တိုင်းကျလုပ်ဖို့ ခွင့်ပြုထားလားဆိုတဲ့ အပေါ်မှာတော့ “မီးမီးက အမကို အများကြီး နားလည်တယ်။ သူငယ်ငယ်တုန်းက အချိန်ကဆို အမကို သူ့အဖေနဲ့ ပြန်ပေါင်းမှာတောင် မနာလိုဘူး။ အဲ့လောက်ထိ စိတ်ပုတ်ရှာတယ်။ သူက သနားပါတယ်။ ဒါပေမယ့်အခုကျတော့ အမတယောက်ထဲ ရုန်းနေရတာကို သူသိတယ်လေ။ စဉ်းစားကြည့်လေ။ မီးမီး ၂ နှစ်ကျော်လောက်ကတည်းကနေ အခု ၂၁ နှစ်ကျော်အထိ အမ တယောက်ထဲ အပူအအေးမှန်သမျှ အမတယောက်ထဲ ခံလာပြီး ကျောင်းတွေ ထားလာတာလေ။ အခုကျတော့သူ အမအရမ်းပင်ပန်းနေတာသိတော့ သူကလည်း အမေကြီး သက်သာမယ် မေကြီးပေါ်မှာကူပေးနိုင်မယ့်လူတွေ့ရင် မီးကို မငှဲ့နဲ့ပေါ့။ မေကြီးစိတ်ချမ်းသာရင် မီးလည်း စိတ်ချမ်းသာတယ်တဲ့”

“မလင်းကတော့ ခုချိန်မှာတော့ ကိုယ့်မိသားစုနဲ့ စီးပွားရေးကိုပဲ အာရုံစိုက်နေပါတယ်။ အပြင်စီးပွားရေးနဲ့ ပတ်သက်ပြီး လုပ်ဖြစ်ပါတယ်။ ပြီးတော့ အမ မြန်မာပေါကားတွေ ရပ်ဆိုပြီးတော့ ရိုက်ထားတဲ့ကားလေး လွန်ခဲ့တဲ့ ၂ နှစ်လောက်က ရိုက်ထားတာ။ အရမ်းကို ရုံတင်ခွင့် ရချင်နေပြီ။ အဲ့အတွက်လည်း ဘုရားတရားတွေလည်း စုံနေတာပဲ။ အဲ့ကားလေးကို မြန်မြန်ရုံတင်ရပါစေလို့ ဆုတောင်းပေးကြပါဦး။ ပရိသတ်တွေလည်း ဝိုင်းဝန်းပြီးတော့ အားပေးပါဦးလို့ ပြောချင်ပါတယ်” ဟု ပြောကြားသွား ခဲ့ပါတယ်။

Share From nanmalgyi