.စိုင်းစိုင်းခမ်းလှိုင်ရဲ့ သားဆိုတဲ့ ကိစ္စကို ဖြေရှင်းလိုက်တဲ့ DJ Y3LLOW

လူငယ်တွေကြားမှာ ရေပန်းစား လူကြိုက်များလာတဲ့ DJ Y3LLOW ကိုတော့ လူငယ်တွေ EDM ပွဲ ကြိုက်သူတွေအနေနဲ့ မသိတဲ့သူမရှိလောက်ပါဘူး။ Y3LLOW ကတော့ လူငယ်တယောက်လို ပေါ့ပေါ့ပါးပါးနေတတ်ပြီး အောင်မြင်တဲ့ လူငယ်တယောက်လည်း ဖြစ်ပါတယ်။ လက်ရှိမှာတော့ သူ့အနေနဲ့ အွန်လိုင်းပေါ်မှာ ကောလဟာလတွေကို ရင်ဆိုင်နေရပြီး ဒီအကြောင်းရာလေးတွေကိုတော့ Y3LLOW က အင်တာဗျူးတခုမှာဖြေကြားသွား ခဲ့ပါတယ်။

DJ Y3LLOW ကတော့ Cele 7 နဲ့ အင်တာဗျူးတွင် စံရတီမိုးမြင့်နဲ့ သတင်းတွေ ထွက်နေတဲ့အပေါ်မှာတော့ “စံရတီမိုးမြင့်နဲ့က ခင်တာတော့ သိပ်မကြာသေးပါဘူး။ လပိုင်းလောက်ပဲရှိပါသေးတယ်။ သူက ကျနော့်ထက် အများကြီး ကြီးပါတယ်။ ကျနော်ကတော့ ငယ်သေးတာပေါ့။ စတာပါ။ ဒါတွေ့ပြီး သူစိတ်ဆိုးသွားဦးမယ်။ ခင်ဖို့ကတော့ ကောင်းပါတယ်။ အဲ့ဒါကြီးကို စိတ်မပူကြပါနဲ့။ လူဆိုတာကတော့ မဟုတ်တဲ့ သတင်းကိုတွေ့ရင် ဒေါသကထောင်းကနဲ ထွက်တာပေါ့။ ဒါပေမယ့်လည်း ငါဘာကြောင့် ဒေါသထွက်နေတာလည်းပေါ့။ ဒေါသကို ပြန်ဆင်းသွားအောင် လုပ်ရတာပေါ့”

“စိုင်းစိုင်းခမ်းလှိုင်ရဲ့ သားဆိုပြီးတော့လည်း ပြောခံရတာပေါ့။ ပို့စ်တွေအများကြီးတတ်တယ်။ တချို့ပို့စ်တွေဆို Share တွေက တော်တော်များတယ်။ အဲ့တယောက်ကတော့ ကျနော့်အကြောင်းလေးတွေ စုပြီးတော့ Story တခုထွင်ထားတာပေါ့။ တချို့ဟာတွေကျတော့လည်း မမှားဘူးကွာ။ ဒါပေမယ့်လည်း ကျနော်က စိုင်းစိုင်းခမ်းလှိုင်ရဲ့ သားမဟုတ်ပါဘူးလို့။ ငယ်ငယ်တုန်းကလည်း ရုပ်ဆင်တယ်။ အခုလည်း တချို့လူတွေ ပြောကြတယ်။ ရုပ်ဆင်တယ်လို့။ ထင်ချင်ရင်လည်း ထင်လို့ ရပါတယ်။ ကျနော်ကတော့ မဟုတ်ပါဘူး လို့ ပြောချင်ပါတယ်”

“ဘယ်လိုမျိုး ခံစားရလဲဆိုတော့ ပို့စ်အောက်မှာတော့ ဘယ်လိုမျိုးတွေ တူကြတာလဲပေါ့။ ဘယ်လိုပဲ ဖြစ်ဖြစ် နှိုင်းယှဉ်ခံရတာတော့ ပျော်ပါတယ်။ ဒါပေမယ့် စိုင်းစိုင်းခမ်းလှိုင်ကတော့ ကျနော့် အဖေမဟုတ်ပါဘူးလို့။ သူနဲ့က Samsaung ပွဲမှာတွေ့ဖြစ်တယ်။ ဒီလိုအကြောင်းတွေကိုတော့ မပြောဖြစ်ဘူး။ ဒါပေမယ့်လည်း သိနေတယ်ကွာ။ တယောက်ကို တယောက်။ ဘယ်လိုပဲ ဖြစ်ဖြစ် ပျော်ပါတယ်။ ရီစရာပို့စ်လေးတွေ တွေ့ရတော့” ဟု ပြောကြားသွား ခဲ့ပါတယ်။

Share From nanmalgyi