ပန်းစည်း လက်ဆောင်ပေးတဲ့ သူကို ကျေးဇူးတင် စကားဆိုလိုက်တဲ့ သက်မွန်မြင့်

ပရိသတ် အချစ်တွေကို အများကြီး ပိုင်ဆိုင်ထားတဲ့ သက်မွန်မြင့်က သူ့ဆီကို ထူးထူးခြားခြား ပန်းခြင်းလက်ဆောင်လေး ရောက်လာလို့ ဝမ်းသာနေ ပါတယ်တဲ့။

‘’ဒီနေ့ သက်မွန် အပြင်ရောက်နေတုန်း လက်ဆောင်ရောက်နေတယ် ဆိုပြီး ကလေး‌‌တွေအဖေက ဖုန်းဆက်တယ်။

ပြန်ရောက်လို့ ကြည့်မိတော့ နှင်းဆီပန်းခြင်း လှလှလေးဖြစ်နေတယ်။ နောက်ထပ် လက်ဆောင်တွေလည်း မျှော်နေပေးပါ ဆိုတဲ့ ကဒ်လေးလည်းပါတယ်’’ ဆိုပြီးတော့ အစပျိုးရင်း ပြောပြထားပါတယ်။

ဘယ်သူပေးတာလဲ၊ ဘယ်က ပရိသတ် ပို့ပေးတာလဲ မသိတဲ့ ပန်းခြင်းလေး အတွက် သက်မွန်မြင့်က ကျေးဇူး တင်စကား ဆိုခဲ့ပြန်ပါသေးတယ်။

‘’သက်မွန် ပရိသတ်တွေထဲက ဘယ်သူများ ပို့ပေးလဲမသိ၊ ဧကန္တ ကလေးအဖေကပဲ ကိုယ့်ကို ပြန်ပြီး surprise တိုက်လားမသိ၊ ဘယ်သူပဲဖြစ်ဖြစ် ဒီမေမေကို ချစ်ပေးတဲ့အတွက် ကျေးဇူးတင်ပါတယ်ရှင်’’ဆိုပြီးတော့ သြဂုတ်လ ၂၈ ရက်နေ့ ည ၁၀ နာရီကျော်က သူ့ရဲ့ Facebook Page မှာ ရေးသား ထားတာ တွေ့ရပါတယ်။

သက်မွန်မြင့်ဟာ လက်ရှိမှာတော့ အကယ်ဒမီ ၂ ဆုရရှိထားတဲ့ အနုပညာရှင် တစ်ယောက်ဖြစ်လို့နေပါပြီ။ ၂၀၁၀ ပြည့်နှစ်မှာ “အာဒံရယ်၊ ဧဝရယ်၊ ဒဿရယ်” ၊ ၂၀၁၆ ခုနှစ်မှာ “ချစ်လှစွာသော အမုန်း”ရုပ်ရှင် ကားတွေနဲ့ အကောင်းဆုံး အမျိုးသမီးဇာတ်ဆောင်ဆုကို ဆွတ်ခူးခဲ့ပါတယ်။ ၂၀၁၄ ခုနှစ် ဖေဖော်ဝါရီလ ၁၄ ရက်နေ့မှာတော့ ခင်ပွန်းဖြစ်သူ ကိုစစ်နိုင်နဲ့ လက်ထပ် ခဲ့တာဖြစ်ပြီး အခုဆိုရင် သားလေး အားချစ်နဲ့ သမီးလေး လဝန်းမေ ဆိုတဲ့ သားနဲ့ သမီးလေးကို ပိုင်ဆိုင် ထားပြီ ဖြစ်ပါတယ်။

သူမကိုတော့ ပရိသတ်တွေက Music Video တွေကနေတဆင့် စတင် အားပေးခဲ့ကြတာပါ။ သက်မွန်မြင့်ရဲ့ ထူးခြားချက်ကတော့ ချစ်စရာကောင်းတဲ့ မျက်ဝန်း၊ အေးချမ်းတဲ့ အပြုံးကို ပိုင်ဆိုင်ထားတဲ့ မိန်းကလေးတစ်ယောက်ဖြစ်ပြီး အရပ်မြင့်မြင့်၊ ခန္ဓာကိုယ် တောင့်တောင့်လေးနဲ့ လှပတဲ့မိန်းကလေးတစ်ယောက်ပါ။ အနုပညာကို ဝါသနာပါ လွန်းတာကြောင့် မွေးရပ်မြေ ချင်းတောင်တန်းကနေ ရန်ကုန်ကို ရောက်ရှိလာတဲ့ ချင်း တိုင်းရင်းသူလေး တစ်ယောက်ပါ။ အခုဆိုရင်တော့ သူ့ရဲ့ အနုပညာသက်တမ်းက ၂၀၁၉ ခုနှစ်အတွင်းမှာ နှစ် ၂၀ ကျော်ခဲ့ပြီဖြစ်ပါတယ်။

credit – celeyatkwat