ကျောင်းအထွေထွေလုပ်သားအဖြစ် ဆက်လုပ်သွားမည်ဟု ကျပ်သိန်း ၁၅၀၀၀ ဆုရှင်ပြော

၇ ကြိမ်မြောက် အောင်ဘာလေ ကျပ်သိန်း ၁၅၀၀၀ အထူးဆုကို မွန်ပြည်နယ်။ မော်လမြိုင်မြို့က ကျောင်းအထွေထွေလုပ်သား တဦးက ဆွတ်ခူးရရှိသွားပါတယ်။ ကျပ်သိန်း ၁၅၀၀၀ ဆု ဆွတ်ခူးခဲ့တဲ့ ကိုကျော်မျိုးဝင်းဟာ မော်လမြိုင်မြို့ ငန်းတေးရပ်ကွက်ရှိ အခြေခံပညာ အထက်တန်းကျောင်းခွဲမှာ တာဝန်ထမ်းဆောင်နေရင်း ဆိုင်ကယ်တက္ကစီ မောင်းတဲ့ အလုပ်ကိုလုပ်ကိုင်နေသူပါ။

ကိုကျော်မျိုးဝင်းဟာ အခုလထွက်မယ့် အောင်ဘာလေထီကို မော်လမြိုင်မြို့နယ် ပညာရေးမှူးရုံး စာရေးမတဦးဆီကနေ ထိုးခဲ့တာ ဖြစ်ပြီး အရင်ကလည်း မကြာခဏ ဆိုသလို ၅ သောင်းဆုတွေပေါက်ဖူးပါတယ်။

ကိုကျော်မျိုးဝင်းမှာ သားသမီး သုံး ဦး ရှိပြီး သူတာဝန်ကျရာ ကျောင်းမှာပဲစာသင်ကြားနေကြတာပါ၊ သူရဲ့ အမျိုးသမီးကတော့ စကားမပြောတတ်တဲ့ မသန်းစွမ်းသူတဦးဖြစ်ပါတယ်။ အခုအခါ ထီပေါက်သွားပေမယ့် ဒီကျောင်းမှာ ဆက်လက် တာဝန်ထမ်းဆောင်သွားဖို့ နဲ့ဆိုင်ကယ်တက္ကစီမောင်းတဲ့ အလုပ်ကို ဆက်လုပ်သွားမယ်လို့ ကိုကျော်မျိုးဝင်း(ခ) အုန်းသီးက ပြောပါတယ်။

အခုလို ကျပ်သိန်း ၁၅၀၀၀ ဆု ဆွတ်ခူးခဲ့တဲ့အတွက်ကြောင့် စာသင်ကျောင်းမှာခန်းမကြီး တဆောင် ဆောက်လုပ်လှူဒါန်းသွားမယ်လို့လည်းဆိုပါတယ်။ ကိုကျော်မျိုးဝင်းတို့ မိသားစုဟာ ကျောင်းအတွင်းမှာသာ နေထိုင်ကြတာဖြစ်ပြီး၊ အခုလို ထီပေါက်တဲ့အတွက်ကြောင့် အတိုင်းမသိ ဝမ်းသာမိတယ်လို့ ကျောင်းအုပ်ဆရာမကြီး ဒေါ်ကြည်ကြည်လှိုင်က ပြောပါတယ်။

ကိုကျော်မျိူးဝင်း ဆွတ်ခူးခဲ့တဲ့ ကျပ်သိန်း ၁၅၀၀၀ ထီဂဏန်းဟာ ဆ ၁၉၃၉၉၇ဖြစ်ပြီး၊ ၅ စောင်တွဲ ထိုးခဲ့တာ ဖြစ်ပါတယ်။

မော်လမြိုင်ဟာဆိုရင် အခုတစ်ကြိမ် အပါအဝင် ကျပ်သိန်း ၁၅၀၀၀ ထီဆုကြီးကိုဒုတိယအကြိမ် ဆွတ်ခူးခဲ့တာ ဖြစ်ပြီး၊ ပထမအကြိမ်မှာတော့ မွန်ပြည်နယ်လွှတ်တော်ရုံးက ရုံးအကူဝန်ထမ်း တဦး ပေါက်ထားပါတယ်။