အိမ်ထောင်ပြုမယ့် အစီအစဉ် ကိုပြော လာတဲ့ ဝါဆိုမိုးဦး

ဝါဆိုမိုးဦးဟာ အသက် (၂၈) နှစ်ကျော် မှ အိမ်ထောင်ပြုမယ် လို့ ဆိုပါတယ်။ ဖြိုးလေးကိုယ်တိုင်ကလည်း သူတို့ နှစ်ယောက် ရဲ့ ရှေ့ရေးအတွက် ပြင်ဆင်ထားတဲ့ အရာတွေကို ပြောပြလာပါတယ်။

ဝါဆိုမိုးဦးကတော့ အဆိုတော် ဖြိုးလေး(Snare) နဲ့ လက်တွဲလာတဲ့ ချစ်သူသက်တမ်းက မနည်းတော့ပါဘူး။ ဒါပေမယ့် လည်း အသက် ၂၈ လောက်မှာမှ အိမ်ထောင်ပြုမယ်လို့ မီဒီယာ အင်တာဗျူးတွေမှာ ဖြေဆိုခဲ့ပါတယ်။

‘’ အိမ်ထောင်ရေးကတော့ ဝါဆိုလည်း ကိုဖြိုးလေးနဲ့ ညှိပြီးသားပါ။ ဝါဆို အိမ်ထောင်ပြုသင့်တဲ့အရွယ်ရောက်တဲ့ အချိန်ရယ်၊ ဝါဆို အသက် ၂၈၊ ၂၉ လောက်ရောက်မှ အိမ်ထောင်ပြုမယ်လို့ စဉ်းစားထားပါတယ်။ ကိုဖြိုးလေးက ငယ်သေးတော့လေ။ ဝါဆို တို့ နှစ်ယောက်ကလည်း တွဲလာတာကြာတော့ တစ်ယောက်နဲ့ တစ်ယောက် အလုပ်တွေ ပိုပြီး လုပ်လာတယ်၊ ကူညီပေးဖြစ်ကြတယ်’’ ဆိုပြီးတော့ သဘောကျရယ်မောရင်း ပြောပြလာပါတယ်။

အဲဒီနောက် အဆိုတော် ဖြိုးလေးကလည်း ချစ်သူသက်တမ်း ကြာလာတာနဲ့ အမျှ ပြောင်းလဲ လာတဲ့ သူတို့ နှစ်ဦးရဲ့ အကြောင်းကို ဆက်လက်ပြောပြခဲ့ပါသေးတယ်။

‘’ ရှေ့ရေး Plan ကတော့ သူ့အလုပ်တွေ ကိုယ်ဝိုင်းကူလုပ်၊ ကိုယ့်အလုပ်တွေ သူဝိုင်းကူ လုပ်ပေးပါတယ်။ အနုပညာအလုပ်တွေလည်း လုပ်နေသလို တခြားအပြင် စီးပွားရေးတွေလည်း လုပ်ဖို့ရှိပါတယ်။ သူနဲ့ ကျွန်တော်လည်း အရင်ကလောက် ရန်မဖြစ်တော့ဘူး။ ဘာမဟုတ်တဲ့ ပြဿနာလေးတွေနဲ့ ရန်မဖြစ်တော့ဘူး ဆိုပြီးတော့ နားလည်မှု ယူထားရတာပေါ့။ တစ်ယောက်နဲ့ တစ်ယောက်ကလည်း ပိုပြီးတော့ အကြောင်းသိလာတယ်။ တွဲလာတဲ့ သက်တမ်းပိုများလာတာနဲ့ အမျှ ပိုပြီးတော့ နားလည်လာတယ်’’ လို့ သူကဆိုပါတယ်။

ဖြိုးလေးနဲ့ ဝါဆိုမိုးဦးတို့ဟာ ချစ်သူသက်တမ်း(၃)နှစ်ကျော်ကို ရောက်ရှိလာခဲ့ပါပြီ။ ဒီ ၃ နှစ်အတွင်း မှာလည်း တစ်ယောက်နဲ့ တစ်ယောက် ရန်ဖြစ်လိုက် ပြန်ချစ်လိုက်ပါပဲတဲ့။ လက်ရှိမှာတော့ ဖြိုးလေးက သီချင်းအသစ်တွေ ဖန်တီးနေတာဖြစ်ပါတယ်။ ဝါဆိုမိုးဦးကတော့ စီးပွားရေးဘက်မှာ ပိုပြီး အာရုံစိုက်နေတာကို တွေ့ ရပါတယ်။ ဖြိုးလေးရဲ့ အသစ်ထွက်ရှိထားတဲ့ ‘’ဘာတွေဖြစ်’’ တစ်ကိုယ်တော်အခွေမှာလည်း ဝါဆိုမိုးဦးက စုံတွဲသီချင်းတစ်ပုဒ် ပါဝင်သီဆိုပေး ထားတယ်လို့ ဆိုပါတယ်။

ဝါဆိုမိုးဦးရဲ့ ဂီတ အလုပ်တွေမှာလည်း ဖြိုးလေးက ပါဝင်ကူညီပေးနေတာဖြစ်ပါတယ်။ ဖြိုးလေး(Phyo Lay)ကို Rap သီချင်းတွေ ဆိုတဲ့ Snare အဖွဲ့ဝင်တစ်ဦးအဖြစ် ပရိသတ်တွေ အားပေးခဲ့ကြတာဖြစ်ပါတယ်။ ဝါဆိုမိုးဦး(Warso Moe Oo)ကိုတော့ တီဗီကြော်ငြာတွေ၊ ဗီဒီယိုဇာတ်ကားတွေကနေတဆင့် ပရိသတ်တွေ စတင်သိရှိခဲ့တာပါ။ လက်ရှိမှာတော့ သူတို့ ချစ်သူနှစ်ဦးပေါင်းပြီး ဂီတအလုပ်တွေ လုပ်နေပြီလို့ သိရပါတယ်။

CRD-CELE YATKWAT